Australia an tla, England an tling

T20 Cricket World Cup-ah champion lai leh inelna thlengtu Australia an tla a, Aussies aia tling hi England an ni. Australia hian match hnuhnung berah Afghanistan hneh mah se England-in Sri Lanka an hneh a, NRR chhe zawk Aussies tawpna chu Super 12 a ni.

Sydney Cricket Ground-ah Sri Lanka-in bat hmasak an thlang a, over 20 chhungin 141/8 runs an siam. Lions hian semifinal beiseina la nei se, hei aia tam hi an siam theih a rinawm! England tan hna harsa a awm angin a lang lo a, besei ang ngawta awlsam a ni lo.

England opener Jos Buttler (28) leh Alex Hales (47) te an che ṭha a, amaherawhchu Ben Stokes-a'n thlawptu a neih loh avangin Three Lions hi chak lo thei dinhmunah an ding.

Over tawp berah 5 runs siam a la ngai a, ball thum a la awmin run hnih siam a la ngai. Pressure sangah Stokes (42*) danglamna a rawn lang a, four runs vaw chhuakin ball hnih dah bangin England (144/6) a chakpui.

England Cricket chuan, "Mamawhna a san lai takin kan tan a lo awm ṭhin," tiin Ben Stokes chungchang an ziak a, hei hian Stokes a nihna a sawifiah.