ATP Finals khel lo tur Alcaraz

Carlos Alcaraz chu a dul hliam vangin Paris Masters khelh lai aṭangin a inhnukdawk a, a hliam vang hian a rei lo berah chawlhkar ruk tal a chawlh a ngai dawn tih puan zui a ni.

Kar ruk a chawlh dawn avang hian, a thiam zual pariat inelna ATP Finals leh ram inelna Davis Cup a khel thei dawn lo, tun season chhungin inelna pawimawh khelh tur a nei dawn tawh lo.

Kum 19 mi Alcaraz chuan, "ATP Finals leh Davis Cup khelh theih dawn loh chu a hrehawm hle, mahse tih theih erawh ka nei si lo. Tuna ka tih theih awmchhun chu dawhthei taka ngah a ni mai," tiin a sawi.

Spanish player hi Paris Masters quarterfinal-ah Holger Rune nen an inkhel a, 6-3, 6-6 (3-1) in a hniam laiin a hliam, a inkhel zui thei ta lo a ni. Rune a tlang a, semifinal-ah FelixAuger Aliassime a hneh zui leh bawk.

Nizan khan Rune leh Novak Djokovic ten final an khel a, he thu buatsaih lai hian result kan hre hman lo.