Chanmari FC an tling

Mizoram Premier League Season 6-ah Chhinga Veng leh Aizawl FC hnungzuiin Chanmari FC-in semifinal an lut.

MPL champion lai Chanmari FC hi panganaa awm Ramhlun North aiin head to head-ah an ṭha zawk a, paruknaa awm Bethlehem Vengthlang FC-in Ningani zanah Chhinga Veng an hneh loh bawk avangin H. Vanlalthlanga hote hi palina aia hniamah an awm thei tawh lo.

Chanmari FC coach H. Vanlalthlanga chuan, "Semifinal thlen tumin bul kan ṭan a, kan thlen takah chuan a lawmawm hle. Kan tum hmasa ber chu kan ti hlawhtling a ni," tiin Vanglaini a hrilh.

Insiamṭhat an tum thu sawi zuiin Thlanga chuan, "Tunah chuan semifinal atan kan inpuahchah thei tawh ang. League round kan khelh danah insiamṭhat kan mamawh tih a lang a, semifinal-ah chuan team thar nih kan tum dawn a ni," a ti.

Chanmari hian an match hnuhnung berah Ramhlun North keeper tihsual zarzoin an draw hram a, nimin tlai inkhelah Mizoram Police-in an Dinthar FC an hneh avangin Thlanga hote hi palinaah an awm.

Round 14-ah Chan­mari hian Dinthar an hmachhawn dawn a, palinaa ni chunga league round an khar a nih chuan semifinal-ah tun season-a vawi li an hneh tawh loh Chhinga Veng an hmachhawn ang.

ROUND 14
November 16, Ningani
3:00 PM Chhinga Veng Vs Mizoram Police
7:30 PM Chanmari FC Vs Dinthar FC
November 17, Zirtawpni
3:00 PM Chanmari West Vs Bethlehem VT
7:30 PM Aizawl FC Vs Ramhlun North
Team Dinhmun
# Team Pld W D L GF GA GD Pts
1 Chhinga Veng 13 9 3 1 27 14 13 30
2 Aizawl FC 12 6 4 2 29 12 17 22
3 Mizoram Police 13 6 2 5 32 34 -2 20
4 Chanmari FC 13 5 4 4 19 14 5 19
5 Ramhlun North 13 4 4 5 22 22 0 16
6 Bethlehem VT 13 4 3 6 15 23 -8 15
7 Chanmari West 12 3 2 7 13 21 -8 11
8 Dinthar FC 13 2 2 9 15 32 -17 8