World Cup ball pholang

Football khawmpui lian FIFA World Cup 2018-a official match ball tur Telstar18 chu Ni­ngani zan khan Russia-ah pholan a ni a, sports bungraw siamtu lar leh hlun Adidas siam ball hi Argentina captain Lionel Messi chuan a pholang a ni.

Telstar hi World Cup 1970 khan pet a ni tawh a, nakkum hi a kum 48 tlin champha a ni chiah ang. Kum 1970 FIFA World Cup-a Telstar18 an pet ṭum khan legend - Pele, Gerd Muller, Giacinto Facchetti, Pedro Rocha leh Bobby Moore te an inlan avangin hriat a hlawh zual.

Nakkuma an ball pet tur hi World Cup 1970-a an pet tawh zulzuia siam a ni a, tunlai thiamna sang ber ber hmanga thuam a ni tawh thung - khawl hmanga endikna hman a nih theih nan NFC chip dah a ni.

Lionel Messi chuan, "A pianphung a fuhin a rawng a nalh hle, khel­mual chhunga pet hlan ka nghakhlel tawh," tiin a sawi.