Chanmari leh SYS inrem

Mizoram Premier League champion Chanmari FC chuan Mizoram sorkar hnuaia Sports & Youth Services Department (SYS) nen nimin khan thawhhona thuthlung an ziak a, football hmasawnna turin an thawkho dawn.

Pawl pahnih thawhhona turah hian SYS chuan Chan­mari FC chu coach leh a ṭul anga khelmual hman tir turin an tiam a, Mizo player-ten dinhmun duhawm zawk an neih theihna turin kawng hrang hrangah an pui dawn a ni.

Chanmari FC hian SYS nena inremna an neih hma hian Indian Super League club Pune City chu inremna an lo neihpui tawh a, thla hmasa khan ISL club hi friendly match khelhpuiin Chanmari player pahnih Jakob Vanlalhlimpuia leh Joe Zoherliana te chu Maharashtra club hian lalutin SYS hnuaia football player-te chu Chanmari hian he dinhmun thleng thei tur hian puih an tum ve dawn thung.

SYS leh Chanmari FC inremnaah hian SYS aiawhin director Zothanmawia leh secretary HL Rochungnunga ten an hming an ziak a, MPL club aiawhin vice chairman Zothantluanga leh club managing board secretary Andrew Lal­rem­kima te chuan an hming an ziak bawk.