Mizoram Super League Vikings hmachhawn tur Tuikual
Mizoram Basketball Association hnuaia inelna sang ber Mizoram Super League season lina chu nakkum January 30 aṭangin khelh ṭan a ni dawn a, champion lai Mission Veng Vikings chuan an match hmasa berah Tuikual South an hmachhawn dawn.
MSL 4-ah hian team tel paruk an inkhelh kual hnuah a sang paliin semifinal an lut dawn; March 20-ah Final Game 1 khelh ṭan tura ruahman a ni.
MSL vawi hnih champion tawh Khatla TBL chuan season hmasa ber final-a an hneh tak Zarkawt BCA an hmachhawn dawn a, kai thar Republic VR2 chuan MSL-a an match hmasa berah Mission Vengthlang Hollow an tum dawn.
Season hmasa khan Hollow hi Chanmari Hollow tiin an inlan tawh a, season tharah erawh Mission Vengthlang hming an pu dawn.
Nimin khan Hawla Indoor Conference Hall-ah managers meeting neih a ni a, he hunah huan tie draw bakah Vakiria nen jersey chungchangah inremna siam a ni. Tie draw-ah hian MSL club aiawh ten an pawt ṭheuh a ni.
MSL 4-ah hian champion lai Mission Veng Vikings, vawi Khatla TBL, Zarkawt BCA, Tuikual South BC, Mission Vengthlang Hollow leh kai thar Republic VR4 te an inlan ang.
MSL 4-ah hian dan thar an siam a, player inhliam vangin a thlakna tur lakluh a theih tawh dawn loh a, interstate/foreigner player pakhat aia tam a luh theih loh bawk a ni.
MSL 4 League Round Fixtures
30.01.18 (Tue) Tuikual South vs MSV Vikings
01.02.18 (Thu) Khatla TBL vs Zarkawt BCA
02.02.18 (Fri) Republic VR4 vs MSVT Hollow
06.02.18 (Tue) MSVT Hollow vs Khatla TBL
07.02.18 (Wed) MSV Vikings vs Republic VR4
08.02.18 (Thu) Zarkawt BCA vs Tuikual South
09.02.18 (Fri) Khatla TBL vs MSV Vikings
13.02.18 (Tue) Republic VR4 vs Zarkawt BCA
14.02.18 (Wed) Tuikual South vs MSVT Hollow
15.02.18 (Thu) Republic VR4 vs Khatla TBL
16.02.18 (Fri) MSV Vikings vs MSVT Hollow
20.02.18 (Tue) Khatla TBL vs Tuikual South
21.02.18 (Wed) Zarkawt BCA vs MSV Vikings
22.02.18 (Thu) Tuikual South vs Republic VR4
23.02.18 (Fri) MSVT Hollow vs Zarkawt BCA