Xavi-a'n coaching lam a hawi

Barcelona legend Xavi chuan football a khelh rei tawh dawn loh thu a sawi a, a chawlh hunah coaching luhchilh a tum thu a sawi chiang bawk.

Spain tana World Cup chawi tawhtu Xavi hian tum 2015 khan Barcelona chhuahsanin Qatari club Al Sadd a zawm a, kumin April thla khan Qatar Cup chawiin a club thar tana a nomawi hmasa ber a ni.

Kum 37 mi Xavi chuan, "Hliam ka nei ngai meuh lo a, ka vannei takzet a ni. Khelmual chhungah ka inkhelh rei theih ka ring tawh lo a, ka hun hnuhnung chu ka hmang mek a ni, nakkum lamah chuan coaching license nei tura beih ka tum," tiin a sawi.

A vanglaia khawvela midfielder hmuhnawm leh ropui ber pakhat Xavi hian kum 2000-2014 inkar khan Spain tan match 133 a khel hman a, Euro 2008 leh World Cup 2010 khan champion puiin club lamah pawh Barcelona tan La Liga title pariat bakah Champions League nomawi pali zet a chawi bawk a ni.