Sri Lanka-in India rawn thleng

India nena Test, ODI leh Twenty20 series khel tur Sri Lanka squad chuan India an rawn thleng tawh a, an batting coach Thilan Samaraweera erawh visa lamah buaina a awm avangin India a la rawn thleng ve thei lo.

India leh Sri Lanka hian November 16-ah an test series match thum khelh tura match hmasa ber chu an khel ang a, December 2-ah test series hi an zo ang. December 10-ah ODI series an khel ṭan leh ang a, match thumah an intum ang. December 17-a ODI series an khelh zawh hnu December 20-ah T20 series an khel leh ang a, over 20-a inelna cricket series hi December 24-ah match tawp ber an khel ang.

Sri Lanka hian India rama inelna hmachhawntu hian player 15 awmna squad an rawn tir a, tun hnaia an chet chhiat avangin opening batsman Kaushal Silva leh top-order batsman Kusal Mendis te chu India-ah hian an rawn hruai tel lo a, India chuan opener Murali Vijay leh speedster Ishant Sharma te an kokir thung.

India hian tun hnaiah ODI leh T20 series-ah New Zealand an hneh a, hemi hma hian Sri Lanka hi an mualah ngei Test, ODI leh T20 series-ah an whitewash a, inrintawkna nen Sri Lanka an mikhual ang.

Fixtures : India vs Sri Lanka

Test Series

 1st Test Nov 16–Nov 20

 2nd Test Nov 24–Nov 28

 3rd Test Dec 02–Dec 06

ODI Series

 1st ODI Dec 10

 2nd ODI Dec 13

 3rd ODI Dec 17

T20I Series

 1st T20I Dec 20

 2nd T20I Dec 22

 3rd T20I Dec 24

India Test Squad: Murali Vijay, Lokesh Rahul, Shikhar Dhawan, Cheteshwar Pujara, Virat Kohli, Ajinkya Rahane, Hardik Pandya, Rohit Sharma, Wriddhiman Saha, Ravichandran Ashwin, Ravindra Jadeja, Kuldeep Yadav, Mohammed Shami, Umesh Yadav, Bhuvneshwar Kumar,

Ishant Sharma

Sri Lanka Test Squad: Dinesh Chandimal(c), Dimuth Karunaratne, Dhananjaya de Silva, Sadeera Samarawickrama, Angelo Mathews, Lahiru Thirimanne, Rangana Herath, Suranga Lakmal, Dilruwan Perera, Lahiru Gamage, Lakshan Sandakan, Vishwa Fernando, Dasun Shanaka, Niroshan Dickwella, Roshen Silva