Champions League - Liverpool-in Real an tawng dawn!
Nimin khan Champions League round of 16-a intum tur pawh a ni a, season hmasa final rematch kan hmu dawn - Real Madrid leh Liverpool an intawng dawn a, boruak a san loh ring suh.
Liverpool tan chuan Real Madrid hi Champions League nunrawnna lanna an ni - kum 2018 final-ah khan Real Madrid hian 3-1 in Liverpool hi an hneh a, season hmasa final-ah Mohamed Salah-a'n phuba an lak tur thu sawi mah se 1-0 in an tlawm nawn.
Tun season-ah team pahnih an intawng leh dawn ta a, tun ṭum erawh round of 16 a ni - Liverpool fan-ten group hmahruaitu nih loh pawizia an hre thar ang a, Real fan-ten group hruaitu ni chunga Liverpool an chang hi chu an ṭawngṭai chhannaa pawm an harsat ve tho ang!
Paris Saint-Germain-in European champion nih châkin, sum uchuak taka tawktarh chungin Kylian Mbappe an chelh a, Lionel Messi, Neymar leh Sergio Ramos thlenga an neih chhan pawh Champions League nomawi chawi an châk vang a ni.
Mahse, Thawhṭanni zana last 16 draw neihah PSG-in Bayern Munich an chang a, team pahnih hi an intum châk lo ve ve ang tih a chiang - German champion Bayern hi Inter Milan leh Barcelona awmna group-a match ruk an khelha chak vek thei an ni tih hriat a ṭha.
Premier League champion Manchester City fan-ten quarterfinal an mitthla ṭan der a nih pawhin a awm lo hran lo ang - RB Leipzig an hmachhawn dawn a, English club tan hna harsa a awm lo tura ngaih a ni.
English club zingah Tottenham Hotspur chuan AC Milan an hmachhawn dawn a, Chelsea-in Borussia Dortmund an tawng dawn bawk.
Champions League last 16 fixtures
RB Leipzig vs Manchester City
Club Bruges vs Benfica
Liverpool vs Real Madrid
AC Milan vs Tottenham
Eintracht Frankfurt vs Napoli
Borussia Dortmund vs Chelsea
Inter Milan vs Porto
Paris Saint-Germain vs Bayern Munich