Iga Swiatek a chak lo

Hmeichhe tennis thiam zual pariat inelna - WTA Finals khelh laiah world number 1 Iga Swiatek a tla. Nimina semifinal inkhelah Swiatek hian Aryna Sabalenka chu 6-2, 2-6, 6-1 in a hneh lo.

Poland nula Swiatek hian semifinal lut tur hian set a hloh miah lo, group match lamah khel ṭha viau mah se semifinal inkhel pawimawhah a chesual zauh a, a duhthusam a tihlawhtling thei dawn ta rih lo a ni.

Belarusian nula Sabalenka chuan, "Ka rilruah thil pakhat chiah a awm, chu chu i theihtawp chhuah rawh tih a ni, inkhelh lai khan thil dang ngaihtuah ka nei lo," tiin Swiatek hneh turin a rilru zawng zawng a hmang tih a sawi.

Final-ah chuan seeded pasarihna Sabalenka hian Caroline Garcia a tum leh dawn a ni.