Neymar hoin PSG chak hram

Paris Saint German chuan Pathianni zan khan Lorient chu 2-1 in an luhchhuah. Paris club tan Neymar-a'n goal a khung bakah hun tawp dawna Danilo Pereira goal khung tur a siamsak bawk.

Hliam tenau vangin Lionel Messi a inlan thei lo a, goal erawh an khung hma tho. Minute kuana lekah Yvon Mvogo-a ball pet chhuah fuh tawk lo vangin Neymar-a'n a khung nghal.

Mahse, Paris club hian an khung belh mai bik lo, second half tir lamah Terem Moffi hmangin Lorient lamin an sut daih. Goal an khung hnuah Regis Le Bris naute an inveng zui a, hun tawp dawn thlengin an inveng thei.

Kylian Mbappe leh Neymar te awmna team pawhin sut hawn harsa an ti. Mbappe, Sergio Ramos leh Hugo Ekiteke ten hun ṭha an bawh pelh vek a, point hnih hloh thei dinhmuna an din hnuah Pereira chuan chakna goal a khung hram.

PSG hian tun season Ligue 1 match 14 aṭangin point 38 an hmu tawh a, tlawm an la nei lo. Anmahni hnaih bertu Lens aiin point ngain an sang fal ta chiah a, league nomawi an kawl lai an humhim ngei a rinawm.