A sang zual 10-ah Rune a tel

Mipa tennis thuneitu sang Association of Tennis Professionals (ATP) chuan world ranking thar an ti chhuak a, a vawi khatna atan Holger Rune chu a sang zual 10 zingah a inhlangkai, amah leh an ram tan mellung pawimawh a ni.

Denmark tlangval Rune hian Novak Djokovic hnehin Paris Masters khelh zawh takah a champion, an ram tennis player zingah world number 10 ni phak hmasa ber a ni a, kum 19 mi chauh a la nih avangin a tawn san zel pawh a rinawm.

A chung berah Carlos Alcaraz a la awm chhunzawm. Spanish star dawtah hian Rafael Nadal a awm, tun season chhungin Alcaraz hi a inkhel thei tawh dawn lo, inelna lian ATP Finals khelh hmabak an la nei a, a chung ber dinhmun hi a la inthlak thei dawn.