Vawiinah Mizoram inlan dawn

North East Olympic Games 2022 chu Shillong-ah khelh chhoh mek a ni a, vawiin chhun dar 12:30-ah hian mipa footballah Mizoram chuan Assam an hmachhawn ang.

Mipa football hi Under 21 inelna a ni a, Mizoram hian Thawhṭanni khan an match hmasa berah Tripura hmachhawn tur an ni a, an khingpui tur hi an inlan loh avangin vawiin hi an match hmasa ber tur a ni.

Tripura hi Olympic Asscociation leh FA buaina avangin an inlan lo a, Mizoram hi group 1-ah Manipur leh Assam te nen an awm.  awhṭanni khan Manipur hian Assam hi 3-0 in an hneh tawh a, Mizoram tan goal thum aia tama chak hi group hmahruaitu nih nan a pawimawh ang. Mizoram leh Manipur te hian November 11 tlai dar 4:30-ah group match hnuhnung ber an khel ang.

Mizoram manager K. Lalenghluna chuan, "Team inlungrualna a ṭha a, kan ṭawngṭai tam a, player-te an fel hle. Inelna hmachhawn turin kan inpeih," tiin Vanglaini a hrilh.