Khawzawlah MVA Cup : Mipuiin volleyball an ngaihlu

Mizoram Volleyball Association (MVA) buatsaih GIG Motors MVA CUP 2022 chu Khawzawl Dinthar Volleyball Court, Khawzawlah khelh ṭan a ni, inelna hi November 12, Inrinni thleng khelh a ni dawn.

Tournament hi Pro division club inelna niin, mipa lamah team paruk an inlan. Pool A-ah Hunthar, Tuipuiral leh Durtlang North te an awm. Pool B lamah Tuichangral, TNT leh Chhinga Veng Spikers an awm thung.

Hmeichhe lamah pawh team paruk tho an inel dawn. Pool A-ah Kanan, Armed Veng South leh Power dept. te an awm. Pool B lamah Luangmual, Bethlehem Vengthlang leh Durtlang te an awm ve bawk.

Mipa leh hmeichhe team hi group pakhata awm khawmte an inkhelh kual vek dawn, chumi hnuah a sang pahnihten semifi nal an lut ang a, fi nal khelh chhunzawm a ni leh bawk ang.

Ruahman dan chuan GIG Motors MVA CUP 2022 hi LPS HD-ah live hmanga tih chhuah vek tur a ni dawn a, club te kalna senso hi tualchhung volleyball thuneitu sang MVA chuan a tumsak vek a ni.