Man City khelmualah Chelsea tan fiahna?

Chelsea-in Premier League-ah mualpho takin Arsenal chu 1-0 in an ngam lo a, Graham Potter-a hnuaiah chinfel ngai tam tak an la nei tih a lang - a nihna dik takah chuan goal khung zat hian inkhel a hrilhfi ah lo.

London club-in insiamrem turin hun an ngah tawk lo a, zanin dar 1:30-ah League Cup third round an khel zui dawn - an hmachhawn tur hi Manchester City an ni a, a awlsam lo ang.

Premier League club langsar zingah hmahruaitu Arsenal chuan zanin dar 1:15 hian Brighton & Hove Albion an mikhual dawn a, dar 1:15-ah vek Tottenham Hotspur chuan Nottingham Forest an lenchilh dawn bawk.

Liverpool chuan zan dar 1:30-ah Derby County an mikhual dawn a, Manchester United erawh Ningani zanah an inlan dawn chauh - an tawn tur erawh league-a an ngam loh hlim

Aston Villa a ni!
Chelsea vs City League Cup a nih avangin Premier League club tam zawkin player naupang zawk an chhawr ṭhin a, mahse, Chelsea boss Graham Pottera'n Champions League-ah hmahruaitu an ni chiang tih hre chunga Dinamo Zagreb a hmachhawn khan player ṭha hlir a hmang!

Hei vang hian zaninah pawh a neih ṭhat ber a thawhchhuahpui mai ang em, tih chu zawhna awm mek a ni a, Wesley Fofana, Reece James, Ben Chilwell, N'Golo Kante leh Kepa Arrizabalaga inhliam kara tlarhnung buaina a la chinfel loh chinfelna remchang a ni thei bawk.

City squad a chhah ṭha tawk a, Fulham lakah hliam damkawr Erling Haaland inlan mah se zaninah a chawlh hahdam a rinawm a, Norwegian striker a inlan loh chuan Julian Alvarez-a'n mawhphurhna a la thei ang.

Pep Guardiola enkawl team tan Sergio Gomez, Cole Palmer, Riyad Mahrez leh Stefan Ortega te pawhin inlan an beisei thei dawn a, Chelsea lamah Potter-a'n Denis Zakaria, Conor Gallagher, Armando Broja leh Hakim Ziyech te a chhawr a rinawm bawk.

Inkhel dang
Champion lai Liverpool-in Derby County an hmachhawn dawn a, Tottenham Hotspur laka chak hlim Liverpool an phur vanglai a ni - Championship club an tum dawn bawk a, Klopp-a'n player naupang zawk a chhawr a nih pawhin a mak lo ang.

Reds tan season hmasaa champion puitu keeper Caoimhin Kelleher chu si ban nghak tura beisei a ni a, James Milner hoin Joe Gomez, Kostas Tsimikas, Fabio Carvalho, Alex Oxlade-Chamberlain, Calvin Ramsay leh Stefan Bajcetic ten chance neih an beisei dawn.

Arsenal-in beisei phak baka ṭhain season an hmang a, mahse, an mikhual tur hi Brighton & Hove Albion a nih avangin a awlsam lo ang - Brighton hian an neih ṭhat ber an thawhchhuahpuiin a rinawm a, hei hi Mikel Arteta tan fimkhurna tur a ni.

Tottenham-in insiamṭhat an mamawh lai takin Nottingham Forest an lenchilh dawn a, an league match hnuhnung palia vawi khat chiah chak Spurs tan inenfi ahna hun ṭha a ni a, insiamrem hun tak a ni dawn.

League Cup - Third round
Zanin Inkhel Tur
West Ham United 1:15 AM Blackburn Rovers
Wolves 1:15 AM Leeds United
Nottingham Forest 1:15 AM Tottenham Hotspur
Newcastle United 1:15 AM Crystal Palace
Southampton 1:15 AM Sheffield Wednesday
Arsenal 1:15 AM Brighton
Liverpool 1:30 AM Derby County
Manchester City 1:30 AM Chelsea
November 10, Ningani Zan
Manchester United 1:30 AM Aston Villa