Mizoramin Meghalaya an hneh

2nd North East Olympic Games 2022-ah nimin khan hmreichhe football-ah Mizoram chuan match hmasa berah inelna thlengtu Meghalaya chu 4-2 in an hneh. Hmeichhe inelna hi kum 17 hnuai lam a ni a, Mizoram hi Meghalaya leh Arunachal Pradesh te nen group khatah an awm.

Nimin inkhelah hian Mizoram tan Hnahthial tleirawl C. Lalremruati leh Lalrinmawii ten goal an khung a, Siaha tleirawl Sandra Beipieso Notlia leh Ngaizawl tleirawl Awi Ngaih Dim ten goal khat ve ve an khung bawk.

November 10, Ningani hian Mizoramin Arunachal Pradesh an hmachhawn leh ang a, an chak chuan group hmahruaitu niin semifinal an lut ang. Mizoram team hi coach Lalrintluanga (Saitea) hnuaiah an khel a, coaching staff-ah hian R. Lalramzaua (manager), Jeremy leh Laldinpuii Colney- te an awm bawk.

Mizoram coach Saitea chuan, "Inelna thlengtute min thleng hneh a, a nuam khawp mai. Meghalaya hi team ṭha a ni a, kan hneh theih avangin semifinal kan luh ngei kan ring," tiin Vanglaini a hrilh.