Aizawlah AFC Futsal Course

Asian Football Con­federation (AFC) Level 1 Futsal Course chu vawiin aṭang hian Ramhlun Sports Com­plex, Aizawlah neih a ni dawn. AFC Futsal Instructor Steven Knight, Australia chu Aizawlah lo thleng tawhin Mizoram leh state pawna futsal coach ni turte training a pe ang.

Mizoram Football Association-in a thlen tur futsal course hi vawi­in zing dar 8:30 hian Ramhlun Sports Com­plex-ah hawn a ni ang.

He course hi No­vember 13-18, 2017 thleng neih tur a ni a, futsal coaching course-ah chuan a bul ṭanna a ni. Futsal dan leh hrai, FIFA-in futsal a kalpui dan, futsal history, futsal coaching process, warm up and cool down in futsal, basic skills, passing and support play, introduction of basic rotation, goalkeeping leh a dangte an zir ang.

AFC futsal instructor Steven Knight chuan India ramah AIFF-in futsal kalpui turin bul a ṭan chho mek tih a sawi a, FIFA hnuaiah futsal-in hma a sawn chak thu leh, khawvelin a tuipui chho thu a sawi a; Mizoramin futsal lama hmasawn duha ṭan a la chu lawmawm a tih thu a sawi.