Mahuma Memorial I Div President's Cup champion Kulikawn chak

Mahuma Memorial 1st Division Cricket inelna chu Inrinni khan khelh ṭan a ni a, match hmasa berah President's Cup nomawi chawi hlim Kulikawn CC chuan hnehna chang nghalin Chhinga Veng CC chu run 18-in an hneh - inelna hi 40 overs-a khelh a ni.

Suaka Memorial Cricket Ground, Sihhmui-a inelna neihah hian Kulikawn an bat hmasa zawk a, 3C (Chhinga Veng CC sawina) bowler-ten over ṭan tir lamah vawm ṭha viaumah se Kulikawn captain Michael Lalremkima (30 runs) leh C. Lalrinsanga (65) te an rawn che ṭha a, over 40-ah wicket kua hlohin run 157 an tlin - 3C bowler zinga che ṭha ber Lalhruaimawia Ralte chuan over riat a vawmah run 32 chiah a pe a, wicket thum a la thei.

Chhinga Vengin ball 240-ah chak tura an mamawh zat chu run 240 a ni a, huphurhawm niin a lang lo - mah se 3C vanduai ṭum a ni. State pawn lam aṭanga an lakluh Saidul chu run siam loin a out a, Abhay Joshi (43 Runs) leh K. Vanlalruata (22) te rawn ziaawm viau bawk mah se Kulikawn all rounder H. Zothanchhunga a inlar - over riatah run 21 pein wicket li zet a la a, run 18-in Chhinga Veng an tlawm.

Inrinni Inkhel Result
Kulikawn CC (157/9) bt (18 runs) Chhinga Veng CC (139/10)
Vawiin Inkhel Tur
9:30AM Tlangnuam CC vs Gorkha CC