MPL U18 hmahruaitu Bethlehem Vengthlang FC

Mizoram Premier League Under 18 chu In­rinni khan round 4 khelh zawh a ni a, hneh loh la tawng lo awmchhun Bethlehem Vengthlang FC chuan point riat hmuin hmahruaitu an ni.

BVT hian match hnu­hnung berah Dinthar FC lakah 3-1 in hma hruai reng mah se Maimawms-in Lalmalsawmtluanga goal hnih hmangin an siphurh an sut zo. Dinthar FC hian point sarih an hmu a, an point hmuh ang zat hmutu Aizawl FC an hneh tawh avangin pahnihnaah an awm. AFC hian Lalhmangaihpuia'n an lama a tihluh zarah Ramhlun North 1-0 in an hneh hram.

Inkhel dangah Chhinga Vengin Chan­mari FC lehthalin 2-1 in hnehna an chang a, Chan­­marians senior team pawhin tun season-ah Chhingcows hi an la hneh lo. Mizoram Police-in semifinal khelh beiseina nei turin Chanmari West 5-3 in an hneh.

MPL Under 18-ah hian team pariatte hi vawi khat ṭheuh an inkhelh kual hnuah a sang paliin semi­final an khel ang, round 5 hi November 15 hian khelh chhunzawm tur a ni.

Round 4 - November 11, Inrinni
Chanmari FC 1 - 2 Chhinga Veng FC
CFC : Flavius Lalruatkima 26'
CVFC : Lalnuntluanga 66'; K. Lalruatdika 76'
Chanmari West FC 3 - 5 Mizoram Police FC
CWFC : Lalthanmawia 24'; Lalruatkima 34', 67'
MPFC : Vanlalrinpuia 11'; Zakaria Lalhriatpuia 25'; Lalṭhakima 27', 57'; Zothanmawia 61'
Aizawl FC 1 - 0 Ramhlun North FC
AFC : Lalhmangaihpuia 65' (OG)
Bethlehem VT 3 - 3 Dinthar FC
BVT : Lalruatkima 8'; Daniel Lalrinsanga 43'; R. Lalchhantluanga 68'
DFC : Lalthlamuana 20'; Lalmalsawmtluanga 70' (P), 90+2'
Team Dinhmun
# Team Pld W D L GF GA GD Pts
1 Bethlehem Vengthlang 4 2 2 0 7 5 2 8
2 Dinthar FC 4 2 1 1 8 8 0 7
3 Aizawl FC 4 2 1 1 6 4 2 7
4 Chhinga Veng FC 4 2 0 2 7 5 2 6
5 Chanmari FC 4 2 0 2 8 6 2 6
6 Mizoram Police FC 4 2 0 2 9 8 1 6
7 Ramhlun North FC 4 1 0 3 8 10 -2 3
8 Chanmari West FC 4 1 0 3 6 13 -7 3