NE tennis inelnaah Hmachhuana pakhatna

5th North East Cash Prize Open-ah Lalhma­chhuana a cham­pion. Offi­­cer's Club, Lamphel­pat, Imphal-ah nimin khan final khelh a ni a, Hmachhuana hian singles final-ah Manipur player Becker chu 6-3, 6-0 in a sawp.

November 7-12 chhunga inelna neihah hian Ngopa tlangval Hmachhuana hi Mizoram Tennis Association aiawha tel awmchhun a ni a, inelnaah hian Manipur, Meghalaya leh Assam

aṭangin tennis player ṭha te fuankhawmin lawmman atana pawisa sem ral zat hi Rs 4,50,000 a ni.

Singles inelnaa cham­pion turin Hmachhuana hian first round-ah Ma­hesh chu 6-1, 6-2 in an hneh a, quarterfinal-ah Azad Khan chu 6-1, 6-2 a hneh lehin semifinal-ah Ribhaskar chu 6-1, 6-3 in an hneh leh bawk. Mizo tlangval hian Manipur-a nomawi chawi tur hian set khat pawh a hloh lo a, nomawi bakah Rs 50,000 a dawng.

Hmachhuana hian doubles inelnaah Manipur player Mahesh nen an

ṭang dun a, amaherawhchu semifinal-ah Brojen leh Ribhaskar te inkawp chu 1-6, 4-6 in an hneh lo.