Supreme court-in AIFF kal zel remti

October 31 khan Delhi High Court chuan All India Football Federation chu dik lo taka inthlan a kalpui avangin thla nga chhunga inthlan buatsaih ṭha turin ti mah se AIFF hi Supreme Court lamah an zualko a, India rama rorelna sang ber chuan high court thu chhuak hi 'stay' rihin AIFF chu a kaldan phung pangngaia a kal zel a rem tih sak.

Supreme Court hian Delhi High Court-in AIFF insiamṭhatna kawnga administrator tura a ruat Chief Elec­tion Commissioner of India S.Y. Qureshi chu mawh­phurhna a pe ve nghal bawk a, India sorkara Ministry of Youth Affairs & Sports secretary lo ni tawh bawk hi India captain hlui Bhaskar Ganguly nen kar riat chhunga AIFF Constitution duang ṭha turin a ruat a ni.