Mumbai City tan beisei a awm zel

Indian Super League semifinal lut turin Mumbai City chuan an beiseina an chhi nung ve zel a, Ningani zan khan an mikhual Jamshedpur FC chu 2-1 in an hneh. 

Jamshedpur tan Noe Acosta chuan minute sarihna lekah penalty hmangin goal hmahruai khung mah se Mumbai-in goal hnih hmangin an chhanglet a, second half-a Amine Chermiti leh substitute Bidyananda Singh goal hmangin hnehna an chang. 

Mumbai City-in hnehna an chan avangin table-ah palina an nih chhunzawm zel a, league match 16 an khelh aṭangin point 26 an nei tawh. 

Hriat tel atana ṭha erawh Pathianni zana inkhel tur Chennaiyin FC chuan match 14-ah point 21 an nei a, a sang pali zing aṭanga Mumbai theh chhuak turin an dinhmun a 

ṭha hle.