Srikanth inhnukdawk

India badminton star Kidambi Srikanth chu tunkar chhunga khelh tur China Open Super Series aṭangin a inhnukdawk a, Hong Kong Super Series-ah erawh a inlan theih tur thu a sawi.

World number 2 Srikanth hian Senior National Badminton Championship a khel zo hlim a ni a, Hong Kong-ah hian a khelh ṭhat dana zirin world number 1 nih theihna hun ṭha a nei thei dawn a ni.

Kum 24 mi Srikanth chuan, "China Open aṭanga ka inhnuhdawh chhan chu ka tihrawl nat vang a ni. National Championship kan khelh lai khan hliam tenau ka tuar a, Doctor-in hahchawl tura thurawn min pek vangin ka chawl rih dawn," tiin a sawi.