Mahuma Memorial I Div Gorkha CC-in Tlangnuam an sawp

Mizorama 1st Division cricket inelna Mahuma Memorial Cricket Tournament chu nimin khan khelh chhunzawm a ni a, first division kai thar Gorkha CC chuan team ṭha an ni tih pholangin Tlangnuam CC chu run 121 zetin an sawp.

Suaka Memorial Cricket Ground, Sihhmuia inkhelah hian toss-a vannei zawk Gorkha CC lamin vuak hmasak an thlang a, opener pahnih Sandeep leh Saran ten run khat bak an siam hman lo tihin out nghal mah se an insiamṭha rang hle. Rohan (40), Deepak (28) leh Magan (25) ten innghahna tling an ni tih pholangin an team an chhanhim a, mualpho mai tura ngaih Gorkha hian over 40-ah run 220 siamin wicket 10 an hloh.

Tlangnuam lamin theihtawp chhuahin an target um mah se bowling lamah pawh Gorkha CC an chet ṭha chhunzawm a, Akhilesh chuan over 3.5-a vawmah run 15 pein wicket thum a la a, Magan 8/2 leh Sagar 8/2 ten an thlawp ṭhat bawk avangin Tlangnuam hian over 27.5-ah wicket hloh vekin run 99 chiah an tlin - an tlawm chiang hle.

Nimin Inkhel Result
Gorkha CC (220/10) bt (12 runs) Tlangnuam CC (99/10)
Vawiin Inkhel Tur
9:30AM Chanmarians CC vs Zarkawt Lords