RVL an chak chiang

Cricket Association of Mizoram (CAM) hnuaia inelna President's Cup 2022 khelh laiah, tualchhung team ṭha Ramhlun Venglai chuan nimin khan Pacers chu run 14-in an hneh.

Suaka Cricket Stadium, Sihhmuia inkhelah ṭhum vawra vannei zawk Ramhlun Venglai lamin vuak hmasak an thlang, over 20 chhunga run 136 siamin wicket li an hloh. Pacers lamin an um thei viau, mahse run 122 bak an tlin ta lo.

Nimin inkhel dangah Gladiators chuan Lily Cricket Club lakah wicket hnihin hnehna an chang ve bawk. Vawiin hian a hmun ngaiah inkhel a awm leh ang.

Nimin Inkhel Results
Ramhlun Venglai (136/4) bt Pacers (122/7)
Ramhlun Venglai hi run 14-in an chak
Toss: Ramhlun Venglai lamin vuak hmasak an thlang
PoM: Reuben Lalhruaizela, Ramhlun Venglai

Gladiators (81/8) bt Lily Cricket Club (80/10)
Gladiators hi wicket hnihin an chak
Toss: Lily lamin vuak hmasak an thlang
PoM: V. Lalnuntluanga, Gladiators