Naupang League Coach Dil Theih

MFA leh Reliance Young Champs buatsaih Naupang League chu November 19, 2022 hian Joint YMA Field, Aizawlah ṭan a ni dâwn. He league hun chhunga naupangte training pe turin license nei coach mamawh a ni a, training session vawi khatah Rs 1,000 an hlawh ang.

Dil duh chuan MFA Facebook Page-ah a dilna tur link dah a ni a, November 11, Zirtawpni tlai dar 5:00 thleng dilna a thehluh theih. November 12, Inrinni (11:00 AM) hian diltu zawng zawngten MFA Office-ah personal interview neih vek tur a ni.

Dilna form Link : shorturl.at/ksNX9

Zawhfiah duh nei tan : 9862647664

Naupang League Team Tel Dilna
MFA leh Reliance Young Champs buatsaih Naupang League-ah hian Under 5, Under 7, Under 9, Under 11, Under 13 inelna buatsaih tur a ni a, team pakhatin heng age group tin hi neih kim vek tur a ni.

He league hi Reliance Young Champs coach-te'n enin player ṭhate a hranpaa zirtirna an kalpui ṭhin ang a; May, 2023 thleng kalpui tur a ni. He league-a team tel duh tan MFA Facebook Page-ah a dilna tur link dah a ni a, November 11 thleng dilna thehluh theih a ni ang. November 12, Inrinni hian MFA Office-ah interview neih tur a ni.

Dilna form Link : shorturl.at/vyOT0

Hriat turte:
1. November 19, 2022 aṭanga May, 2023 thleng kalpui tur a ni ang. Inrinni leh sikul chawlha kalpui ṭhin tur a ni ang.
2. Kar khatah vawi hnih/thum tlai lamah training neih tur a ni a, Reliance Foundation Young Champs lam rawih coach-ten training an pe ṭhin ang a, sikul tibuai lo tura duan a ni ang.
3. League-a tiṭha naupangte tán a hranpaa training kalpui ṭhin tur a ni a, a tiṭha zualte chuan Reliance Foundation Young Champs hmunpui, Mumbai-ah training an nei ang.
4. Team inelna a nih rualin 'developmental league' a ni a, point hmù hniam ber team aṭang pawhin an thiam chuan naupangin kal zelna tur an nei ang. Hei vang hian team tinte a tawp thlenga inkhelh ngei tur a ni.
5. Team tinin jersey an dawng ṭheuh ang a, inkhelh niin refreshment an dawn dawn bakah medical duty-ten an vil reng bawk ang.
6. Reliance Foundation Young Champs nena League kalpui tur a ni a, hei vang hian a bul kan ṭan tawh chuan a tawp thleng kalpui tur a ni ang.