Kane a chau takzet - Conte

Tottenham manager Antonio Conte chuan, a striker duhlai Harry Kane chu tun hnaiah a chau takzet tih a sawi. Italian manager hian Nottingham Forest an hneh loh ṭumin Kane hi a lak chhuak a ni.

Kane leh Ivan Perisic ten inkhel bul ṭan mah se Spurs hian goal an khung thei lo, second half-ah Nottingham lamin Renan Lodi leh Jesse Lingard te hmangin goal an khung a, an mikhual lakah 2-0 in an chak.

Minute 75-naah midfielder Orel Mangala chu hnawh chhuah niin, player tam zawk ni chunga khel Tottenham lamin goal an khung thei chuang lo, goal mamawh huna Kane lak chhuah a ni chu Conte-a'n a sawifiah chhunzawm nghal.

Conte chuan, "Harry Kane hi player ṭha bik a ni a, a nihna takah chuan kan match khelh zawng zawngah kan mamawh. Mahse, mihring ve tho a ni a, chuvangin a khel tluan vek thei bik lo, tun ṭumah pawh khan a chau tawngkhawng a ni," tiin a sawi.