Valencia coach thar Javi Gracia

Spanish club Valencia chuan an manager thar atan Javi Gracia an lakluh thu an puang. Watford leh Malaga pawh lo enkawl tawhtu hian season hnih daih contract a ziak a, tun kar tawp aṭangin hna a thawk nghal ang.

Tun hnaiah Valencia hi an che fuh hleithei lo, nikum September thla khan Marcelino an ban a, thla hmasa mai khan coach Albert Celades an ban leh bawk - tun hnaiah manager pathum an neihna tur chiah a ni. Thawhṭanni zan khan Valencia chuan thuchhuah siamin, "Valencia FC chu Javi Gracia nen season hnih chhung atan kan inrem, contract kan ziah hi 2022 June 30 thleng daih a ni ang," an ti.

Kum 50 mi Gracia hian season hmasa khan Watford chu FA Cup final a thlen pui a, nomawi inchuhna inkhelah Manchester City chu 6-0 in an ngam lo. Tun season bul an ṭan fuh loh vangin September khan ban a ni a, tunah chuan an ramah chona thar a hma-chhawn dawn.