Vawiinah Mizoram vs Manipur

2nd NorthEast Olympic 2022-ah Mizoram chuan vawiin tlai dar 4:30 hian Manipur nen group hmahruaitu tur an zawng dawn. Team pahnih hian semifinal khel tawh mah se final kawng awlsam zawk an nih duh a nih chuan vawiina chak hi a pawimawh.

Mizoram hi Manipur leh Assam te nen group khatah an awm. Manipur hian Assam hi 3-0 in an hneh a, Mizoram chuan Manipur thun let Assam lamah thunin goal rukin an chak. Coach HC Zarzoliana kaihhruai team tan point khat hmuh a tawk a, mahse champion tuma Shillong pan Mizoram hian chak an tum ang.

Match hmasa berah Mizoram tan Lunglei Bazar Veng rawlthar Joseph Lalvenhima'n goal li ngawt a khung a, Lunglei tlangval K. Lalrosanga leh Hnahthial tlangval Rohlupuia ten goal khat ve ve an khung. Mizoram hian goal ruk an khung chungin goal tam zawk khung thei an ni a, chance an hlah hnem - Manipur lakah chance hlah nasat a pawi thei ang.