France-ah Pogba, Kante leh Martial te an tel lo

FIFA World Cup champion lai France manager Didier Deschamps chuan player 25 awmna squad a puang a, koh zingah Paul Pobga, N'Golo Kante leh Antony Martial te an tel lo. Player langsar pathum tel loh chhan hi hliam vang a ni.

Pogba hian Manchester United aṭangin tun nipui khan Juventus a zawm a, inhliam vangin Italian club tan hian a la khel lo. Chelsea midfielder Kante pawh malpui hliam vangin a chawl mek a, Martial erawh dam leh tawh mah se koh ni lo.

France squad-ah Raphael Varane a tel a, Manchester United defender hi ke hliam vangin a inenkawl mek. Varane hi October 22-a Chelsea an hmachhawn ṭumin a inhliam a, khelmual a chhuahsan laiin a mittui a tla. World Cup khel lo tur hiala ngaih ni mah se Deschamps-a thlan zingah a tel.

France hian inhliam vangin player ṭha ṭhenkhat chhawr thei lo mah se player langsar an la kawl. Ballon d'Or dawngtu Karim Benzema hming a langsar a, Paris St-Germain striker Kylian Mbappe nen an inthlawp dawn.

Tlarhnungah Arsenal tana season ṭha tak hmangtu William Saliba leh Liverpool defender Ibrahima Konate te an tel. Player 26 koh theih ni mah se Deschamps-a'n player 25 chauh a ko.

France hi Group D-ah Denmark, Tunisia leh Australia te nen an awm a, group stage paltlang harsa lo turah a ngaih theih. Les Bleus hian November 22, Thawhlehni zan hian Australia an hmachhawn ang.

France Squad
Goalkeepers: Alphonse Areola (West Ham), Hugo Lloris (Tottenham), Steve Mandanda (Rennes)

Defenders: Lucas Hernandez (Bayern Munich), Theo Hernandez (AC Milan), Presnel Kimpembe (Paris St-Germain), Ibrahima Konate (Liverpool), Jules Kounde (Barcelona), Benjamin Pavard (Bayern Munich), William Saliba (Arsenal), Dayot Upamecano (Bayern Munich), Raphael Varane (Manchester United)

Midfielders: Eduardo Camavinga (Real Madrid), Youssouf Fofana (Monaco), Matteo Guendouzi (Marseille), Adrien Rabiot (Juventus), Aurelien Tchouameni (Real Madrid), Jordan Veretout (Marseille)

Forwards: Karim Benzema (Real Madrid), Kingsley Coman (Bayern Munich), Ousmane Dembele (Barcelona), Olivier Giroud (AC Milan), Antoine Griezmann (Atletico Madrid), Kylian Mbappe (Paris St-Germain), Christopher Nkunku (RB Leipzig)