James hliam niah Lakers chak lo

Los Angeles Lakers tan chanchin lawmawm a awm hleithei lo, hnehna an chang hleithei lo pawh buaina tham a nih tawh nak a laiin an player pawimawh LeBron James chu a ke vei lam hliam vangin an chan.

Nimin zing NBA regular season inkhel a, kum bul ṭan chhe tak Lakers hian Los Angeles Clippers chu 114-101 in an ngam lo, quarter hnuhnung berah James hi hliam vangin lakchhuah a ngai.

Lakers coach Darvin Ham chuan, "James hliam kha na tak ni lo hram se kan ti, endik a nih hma chuan a dinhmun dik tak ka la sawi thei lo," a ti, inkhel tawp hma minute ruk la awmah a chhuah a ngai a, a lo kir leh tawh lo.

NBA Most Valuable Player vawi li ni tawh James hian mimal chuan season a hmang chhe hran lo, a match khelh tawh hoah chuan point 24.9 nei zel anga chawhrual theih a ni, mahse a team lam erawh a chakpui hleithei lo thung.

Tun hnaiah a zawnin Lakers hi vawi li an tlawm, tun season match 11 an khelh tawh zinga pakuaah zet an tlawm. NBA champion nih an sawi ngam tih lo a, an tan chuan playoff khelh phak pawh sawi ngam a ni rih lo.