Wales squad-ah inhliam Allen an ko

11th November, 2022

Wales-in kum 64 hnuah FIFA World Cup an khel dawn a, Robert Page chuan Qatar zin tur player 26 a koh zingah Joe Allen a ko. Kum 32 mi Allen hi Wales tan kum 2009 aṭangin a khel ṭan a, ram tan vawi 72 a khel tawh - tun ṭuma an kohin sawi a hlawh chu a inhliam vang a ni.

Allen hi Championship club Swansea tan a khel mek a, September thla aṭang khan malpui hliam vangin club tan a khel tawh lo. Swans coach Russell Martin chuan Allen hi World Cup hma club tan a inlan tawh loh tur thu a tichiang a, match hmasa bera United States an hmachhawn hunah a dam hman a beiseiawm loh.

Wales coach Page chuan, "Dik taka sawi chuan a khelh dan kan zawng a ni ber a, United States nena bul ṭantir kan duh. Allen a tlukpui ang player hi chu ka nei a, mah se tun hnaia an khelh dan thlir chuan defender hmaa ding tur chuan amah hi ka duh ber a ni," tiin a sawi.

Wales squad-ah thil danglam a awm lo a, Gareth Bale captain-na hnuaiah an khel dawn. Rhys Norrington-Davies a inhliam vangin kum khat chuang ram tana khel tawh lo Tom Lockyer chu koh a ni a, chawn hliam vangin forward Tyler Roberts a tel lo bawk.

Wales hi group B-ah England, Iran leh United States te nen an awm. November 21, Thawhṭanni zan dar 12:30 hian match hmasa berah United States an hmachhawn ang.

Wales squad

Goalkeepers:

Wayne Hennessey (Nottingham Forest), Danny Ward (Leicester City), Adam Davies (Stoke City).

Defenders:

Neco Williams (Nottingham Forest), Ben Davies (Tottenham Hotspur), Ben Cabango (Swansea City), Joe Rodon (Rennes, on loan from Tottenham Hotspur), Chris Mepham (Bournemouth), Ethan Ampadu (Spezia, on loan from Chelsea), Chris Gunter (AFC Wimbledon), Connor Roberts (Burnley), Tom Lockyer (Luton Town).

Midfielders:

Aaron Ramsey (Nice), Joe Allen (Swansea City), Harry Wilson (Fulham), Joe Morrell (Portsmouth), Dylan Levitt (Dundee United), Rubin Colwill (Cardiff City), Jonny Williams (Swindon Town), Matthew Smith (Milton Keynes Dons), Sorba Thomas (Huddersfield Town).

Forwards:

Gareth Bale (Los Angeles FC), Dan James (Fulham, on loan from Leeds United), Kieffer Moore (Bournemouth), Mark Harris (Cardiff City), Brennan Johnson (Nottingham Forest).