Liverpool-ah Klopp a hlim

A duh tan Liverpool lei theih a ni mek a, club neitu lamin rilru nghet an neih theih loh karah pawh Jurgen Klopp chuan Reds bak ngaihtuah a neih rih loh thu a sawi. Tun dinhmunah Anfield chhuahsan tumna a nei hran lo.

Liverpool hian Nilaini zan League Cup inkhelah goal khung an harsat, League One club Derby lakah goal an khung lo. Bench aṭangin Darwin Nunez leh Roberto Formino te dah lut mah se goal an khung lo, penalty-ah erawh 3-2 in an vannei hram.

Klopp chuan, "Media lamah kan chanchin chi hrang hrangin an ziak tih ka hria, zawhna pawh ka dawng hnem hle. Kei chuan club neitu lamah buaina ka nei rih lem lo, ṭha taka club enkawl hi ka hna chu a ni mai, he hmunah hian ka hlim," tiin a sawi.

Premier League lama beisei phak lo Liverpool hian Inrinni zanah Southampton an mikhual dawn. Saints nena an inkhel tur hi World Cup hma an match hnuhnung ber a ni tawh ang.