Nadal bul ṭanna tur United Cup

Tennis season a tawp hnai tawh a, season thar inbuatsaih ṭan a hun der tawh. Rafael Nadal chuan season thar ṭan nan Australia rama khelh tur United Cup a khel dawn, inelnaah hian hmeichhe number 1 Iga Swiatek pawh a inlan ang.

Tournament director Stephen Farrow chuan, "Player langsar tak takin United Cup khelh an tum tih kan hria, kan tan chuan a lawmawm takzet. Australian Open champion lai Nadal leh Swiatek ten rawn kal an tum chiang tawh.

"Midang hming langsar pawh an tam, sawi vek sen an ni lo hial. Kan tournament hi Australian Open atana inbuatsaihna ṭha tak a ni dawn, hei vang hian player tan rawn kal a nuam ang," tiin a sawi.

Australian Open hi nakkum January thla chawhnu lam hian Melbourne Park-ah khelh tur a ni ang.