La Liga leh Fuenlabrada thu a inhmu lo

Spanish top flight league La Liga chuan second division lama Deportivo la Coruna leh Fuenlabrada inkhel tur chu Covid-19 vangin khelh loh mai an rawt a, Fuenlabrada chuan he rawtna hi an pawm thei lo thung. 

Fuenlabrada club-ah hian player leh staff zingah Covid-19 hri kai mi 28 vel an awm tawh a, Spanish Football Association-in La Liga rawtna hi a pawm a nih chuan promotion playoff khel thei dinhmuna ding Fuenlabrada hi season tharah chuan second division lamah lungawi taka an suk nawn leh a ngai dawn tihna a ni. 

Deportivo tan erawh match khelh hian awmzia a nei tawh lo a, third division lamah an relegate chiang tawh sa thung. La Liga ngenna ngaihtuahtu tur hi Spanish Football Association hnuaia member pathum awmna committee a ni a, La Liga, Spanish FA leh neutral member aiawh pakhat ṭheuhin an rel dawn a ni.