Senegal-in Mane thawn haw

October thlaa match nga ngawt hliam vanga a inlan theih loh hnuah Sadio Mane chuan a hliam tawrhna ngaiah hliam a nei nawn a, Sene­gal tana World Cup qualifier khela zin chhuak player hi an ram team chuan Liverpool lamah inen­kawl turin an thawn haw.

Senegal hian nizan khan South Africa nen World Cup qualifier an khel a, an match hmasa zawkah Senegal hian hnehna an chan tawh avangin Russia 2018-ah World Cup an khel dawn. Liverpool boss Jurgen Klopp chuan, "World Cup khel tura an tlin avangin Senegal ka lawmpui a, chutihrualin Sadio hliam erawh uluk taka enna a la awm lo a, a dinhmun a chiang thuai ang," tiin a sawi.

Hetihlai hian pre sea­son tour-a inhliam Li­verpool defender Natha­niel Clyne chu a hnungzâng hliam zai a ni a, thla thum dang a chawlh a la ngai dawn. Season hmasaa Reds tana match 41 kheltu defender inhliam hlan hian Joe Gomez leh Trent Alexander-Arnold te chuan a hmunruak an hnawhkhat ṭhin.