Marquez-a nu in min bia - Zarco
Yamaha rider Johann Zarco chuan MotoGP season kharna Valencia Grand Prix an tlan hma khan Zarco chuan Marquez-a nu nen inbiakna an neih thu a sawi chhuak.
Spanish rider Marquez leh Zarco te hi qualifier lamah an tlan ṭha dun hle a, intlansiakna takah pawh rinlawk ang ngeiin an inel tawh hle. Marquez tan nomawi chawi turin 11-na nih a tawk a, chutihrualin chesualin a elpui Andrea Dovizioso kha pakhatna ni ta se chuan nomawi chawi tur kha a la danglam thei a ni.
France tlangval Zarco chuan, "Intlansiakna kan neih hma ni khan Marquez-a nu nen kan inbia a, awlsam leh nuamsa taka inelna hmachhawn turin min ti," tiin a sawi. Zarco hian inelna an neih zawh hnuah erawh Marc khan a nu thusawi a ngaihthlak ngun deuh a ngai a ni, tiin a sawi ve thung.
Kum 24 mi Marquez khan Valencia-ah khan pathumna ni chungin world champion a ni a, Honda rider hi bike intlansiakna sang leh ngaihhlut bera vawi li champion thei naupang ber a ni.