Chanmarians-in hnehna an chang

Mizorama cricket inelna ngaih­hlut hlawh Mahuma Memo­rial First Division League nimin inkhelah Chanmarians CC chuan wicket sarihin Zarkawt Lords CC an hneh a, Mizoram cricket-ah an tet loh zia an pholang.

Suaka Cricket Ground, Sih­hmuia inkhelah Lords an bat hmasa zawk a, run 12 chiah an la siam tihin an opening batsman pahnihte out nghal mah se state pawn aṭanga an lakluh Zahir Uddin chuan a zia pholangin ball 117 a hmachhawnah run 98 a rawn vaw chhuak a, dinhmun himah Lords a dah -over 38.5-ah run 172 an siam a, wicket an hloh vek.

Batting lineup nei ṭha Chan­marians bat hun a thleng a, run 23 chiah an siam tihin an opening batsman hloh mahse an innghahna Lalhmangaiha'n innghahna tlak a ni tih pholangin ball 71 a hmachhawnah run 80 lai a vaw chhuak. State pawn allrounder Debojyoti Jun Chanda (32 runs)-a'n ṭha taka thlawp bawkin target tam tak anga lang chu over 24.2-ah wicket thum chiah hloh chungin an umpha a ni.

Nimin Inkhel Result
Chanmarians CC (24.2/175) bt (7 wkt) Zarkawt Lords (38.5/172)
Vawiin Inkhel Tur
09:30 AM Ramhlun Venglai CC vs Zemabawk Pitchers CC