Heynckes-a'n cham a tum lo
Bayern Munich-in season tawp thleng manager ni tura an lakluh Jupp Heynckes chuan season tharah German champion hi enkawl chhunzawm tumna a neih loh thu a sawi.
Bundesliga champion Bayern hian Carlo Ancelotti banin German manager Heynckes an lalut a, kum 72 mi Heynckes kaihhruaina hnuaiah an league match hnuhnung berah Dortmund chu 3-1 a hnehin league hmahruaitu an nihna an sawhnghet.
A hma hun sawiin Bayern Munich manager Heynckes chuan, "AlÂlianz Arena-ah cham chhunzawm ka tum lo, manager nih chhunzawm chu thil theih loh a ni," tiin a sawi.
Heynckes hian kum 33 mi Arjen Robben chu contract thar an ziahpui tur thu a sawi chiang bawk, Dutch winger hian tun season tawp thleng daih bak Bundesliga club tan hian contract a nei tawh lo.