Goal khung tura piang ka ni - Lukaku

Manchester United striker Romelu Lukaku-a'n league match hnu­hnung pali khel vek chungin goal a khung tawh lo a, amaherawhchu Belgium leh Mexico ten friendly match an khelh ṭuma goal hnih a khung avangin inrintawkna a ngah leh sawt.

Kum 24 mi Lukaku chuan, "Tun hnaiah sea­son bul kan ṭan angin kan khel ṭha tawk lo a, hei hi a chhan chu player inhliam an tam vang a ni. Team anga kan khelh ṭhat tawk loh avangin goal khung pawh a harsa, tunah erawh player inhliam ṭhenkhat an dam leh tawh avangin kan khelh ṭhat chhoh leh ka beisei," tiin an khelh ṭhat tawk loh chhan a sawifiah.

Belgian forward Lu­kaku chuan sawi chhun­zawmin, "Belgium tana goal ka khung hi ka tan chuan thawk huaina tham a ni. Goal khung tura piang ka ni a, ka kum rual puiah kei anga goal khung tam hi chu an tam lo ang. Box chhungah chuan keite ang mai ka ni," tiin goal a khung theih thu a sawi.

Kum 24 mi Lukaku hian Premier League match 197 a khel tawh a, goal 92 a khung tawh. Tuna a khelh mekna United tan hian league-ah match 11 inlan tawhin goal sarih a khung tawh a, Inrinni zan hian Old Trafford-ah Newcastle United an mikhual ang.