Goal khung lo Poland chak lo

Poland chuan a zawnin match hnih chhung goal an khung ta lo. Thawh­ṭan­ni zan friendly match khelhah Poland hi an mikhual Mexico lakah 1-0 in an tlawm a ni.

Adam Nawalka en­kawl Poland hian World Cup qualifier-a an match hnuhnung pathumah goal 13 zet an khung thei. Mahse, captain Robert Lewan­dowski awm loin Zirtawpni zan khan Uru­guay chu goal awm loin an inhnehtawkpui a, Mexico lakah an khung lo zui leh bawk.

North America aṭanga World Cup khel tura in­pet tling thei hmasa ber Mexico tan hian forward Raul Jimenez chuan he inkhela goal awmchhun hi a khung. Qualifier match 10 khelh aṭanga vawi riat chak thei Poland hian a chhan letna an neih loh avangin an mualah an tlawm.

Ram pahnihte hi an vawi thum an intawnna chiah a ni a, an intawn hmasak pahnihah chuan 1-1 ve ve in an ṭin, tun ṭuma hnehna changtu Mexico hian record an nei ṭha zawk ta a ni.