Dembele-a'n Arsenal hmachhawn beisei

Tottenham Hotspur midfielder Mousa Dem­bele chuan tun kar tawpa Arsenal nen Premier Lea­gue match an khelh hun­ah tun season chhung a vawi khat nan inkhel bul a ṭan theih a beisei thu a sawi.

Belgian international Dembele hi a khel bawr na vangin a buai deuh reng a, league match ruk chiah a la khel; tun thla tira Crystal Palace an hneh ṭum kha chuan harsatna nei loin minute 45 chhung a khel thei tawh a ni.

Kum 30 mi Dembele chuan, "Ka hliam a dam tawh a, khelmual chhungah a tam thei ang ber hun hman ka duh. Tunkar tawpa Arsenal kan hmachhawn hunah pawh a bul ṭantu zingah ka tel theih tawh ka beisei," tiin a sawi.

Spurs hi Premier League table-ah pathum­na an ni mek, hmahruaitu Manchester City chu point riatin an phak lo mek; Inrinni zan dar 6:00 hian Emirates Stadium-ah Ar­senal an lenchilh dawn a ni.