Boxing Day Test khelh loh hlautu Warner

Australia opening batsman David Warner chuan India nen December 26-a India nen Boxing Day Test neih an tum chu Covid-19 vanga ṭhulh a hlauh thu a sawi.

Warner chuan, "Engmah hi kan kutah a awm lo a, engpawh thleng thei vek a ni. Ruahmanna siam lawk pawh ni i la, thlak a ṭul leh ṭhin. Kan nghah phawt a ṭul a, tunah chuan Boxing Day Test pawh ṭhulh thei dinhmunah a ding," tiin a sawi. 

Boxing Day Test hi Australia khawpui lian ber dawttu Melbourne-ah khelh tura ruahmanna siam a ni a, stadium-ah entu nuai khat an leng. Amaherawhchu Covid-19 vangin Melbourne hi 'partial lockdown' mek a, inelna neih hun hi Krismas vuakvetah daih ni mah se engmah sawi lawk theih a ni ta lo.