Krismas hmahruaitu chiang dawn

Arsenal-in hma an la hruai chuan Krismas a la hla tihna, an ti ṭhin. Kumin chu a ni thut dawn - Gunners hian zanin dar 1:15 hian Wolves an tlawh dawn, an chak a nih chuan Krismas laia Premier League hmahruaitu an ni ang.

Mikel Arteta naute hian Manchester City inkhel result hresa in match an khel dawn. Pep Guardiola hote hian zanin dar 6:00 hian Brentford an mikhual dawn thung; City leh Gunners inkarah point hnih chiah a awm.

November 20, Pathianni aṭangin World Cup khelh a ni dawn. Football khawmpui lian hmain, tun kar tawp bak chu Premier League an khel dawn tawh lo, an lo kir leh meuh chuan December 26 a ni dawn. Boxing Day, Mizotena ruai ṭheh ni kan tihah EPL an khel chhunzawm leh chauh dawn a ni.