Howe a ṭawng fimkhur

Newcastle United manager Eddie Howe chuan tuna an dinhmun chu ngaihṭhatna tur a la ni rih lo tih a sawi. Krismas laia a sang zual pali zinga tel ringawt chu thlamuanna tur niah a ngai lo.

Magpies hi Premier League table-ah pathumna an ni mek, an hnuai chiaha awm Tottenham aiin point khatin an sang zawk. Zanin dar 11:00 hian Chelsea an mikhual dawn a, inkhel a hmuhnawm ang.

Howe chuan, "Season dang nena khaikhin chi a ni lo, kumin chu Krismas hmaa match kan khelh a tlem bik dawn, chuvangin hunpui laia kan awmna hi ngaihṭha taka pawm ngawt chi a ni dawn lo.

"Theihtawp chu kan chhuah reng dawn, chutih rualin Chelsea nena kan inkhelh zawh hunah kan season hman dan kan thlir kir chauh ang, chumi hnuah tun aia ṭha zawk hian lo kir leh kan tum ang," a ti.

Newcastle hmachhawn tur Chelsea hi pasarihna an ni mek a, point 21 an nei. Graham Potter-a naute hi zaninah an chak a nih pawhin Krismas hma chuan Magpies hi an umphak thei tawh lo.