Dybala dinhmun a chiang ta lo

AS Roma coach Jose Mourinho chuan a player pawimawh Paulo Dybala a inhliam tih a sawi a, Argentina international hi Qatar World Cup khel turin a dam hman ngei dawn em tih a sawi lawk thei lo.

Thla hmasa khan Leece an hmachhawn ṭumin Dybala hi a inhliam. Ningani zana Sassuolo nen 1-1 a an inhnehtawk ṭum pawhin a la inlan thei lo. Roma hian Inrinni zanah Torino an tum leh dawn, he hun atan pawh hian a dinhmun a la chiang lo a ni.

Mourinho chuan, "A nihna tak sawi chuan, a dinhmun hi engmah ka sawi ve thei lo. Argentina tan a feh chhuak dawn em ka hre lo, kan match lehpekah a inlan thei dawn nge dawn lo pawh la hre lo bawk.

"Paulo hi kan player pawimawh a ni a, theih ni se chuan Torino hi hmachhawn ngei se ka duh. World Cup khel tur tan phei chuan inhliam hnua match khelh ngei a pawimawh a ni," tiin a sawi.

Ningani zan inkhel dangah Juventus chuan Hellas Verona 1-0 in an hneh, inkhel goal awmchhun hi second half-a Moise Kean khung a ni a, team talbuai Old Lady tana point thum hmuh nan a tawk.

Juve hi an insiamṭha ve mek - Serie A match 14 aṭangin point 28 an hmu a, league table-ah palina dinhmun an luah. Inkhel dangah Lazio chuan Luka Romero goal khat hmangin Monza chu 1-0 in an hneh ve bawk a ni.