Reds khingpui tur Man City

League Cup last 16-a inhmachhawn tur chu November 10, Ningani zan khan pawh nghal a ni a, Manchester City leh Liverpool te an inhmachhawn dawn. Team ṭha pakhat chu quarterfinal an lut dawn lo tihna a ni thei ang.

Jurgen Klopp-a hote hian season hmang ṭha lo mah se Man City lakah erawh record an nei ṭha. Community Shield-ah Reds hian 3-1 in an hneh a, Premier League-ah 1-0 in an hneh leh bawk. Tun ṭuma an inkhelhna tur hi Anfield a ni a, December thla khelh tur niin FIFA World Cup zawah khelh a ni dawn.

Team 16 la dam zingah League Two club Gillingham an la tel a, anni hian Wolverhampton an hmachhawn dawn. League Cup third round-ah team ṭha Arsenal, Chelsea, Tottenham leh West Ham te an tla a, team vannei tan final kalkawng a awlsam phah thei ang.

League Cup - Last 16
Wolves Vs Gillingham
Southampton Vs Lincoln City
Blackburn Rovers Vs Nottingham Forest
Newcastle United Vs AFC Bournemouth
Manchester City Vs Liverpool
Manchester United Vs Burnley
Milton Keynes Dons Vs Leicester City
Charlton Athletic Vs Brighton & Hove Albion