Bagan-in NorthEast buaina belhchhah

Indian Super League-ah Ningani zan khan Mohun Bagan-in Salt Lake Stadium-ah NorthEast United 2-1 in an hneh. NorthEast United hian match ruk an khelh tawhah point an la hmu lo a, table mawngphahah an awm.

Bagan-in Liston Colaco hmangin minute 35-naah an khung hmasa a, inkhel an thunun zawk bawk. Amaherawhchu, minute 81-naah Aaron Evans-a'n corner aṭanga ball kal chu ṭha zetin a tauh goal a, 1-1 a ni.

Mohun Bagan-in na takin an nawr let a, hun rei lote chhungin chance pawh an insiam hnem. Minute 89-naah an huaisen rah an seng a, Subhasish Bose-a'n ding lam aṭanga cross ball chu a tauh goal. Bagan 2-1 in an chak a, match nga aṭanga point 10 hmuin pahnihnaan an invawrhchho.

Zanin dar 7:30 hian Chennaiyin leh Mumbai City te an inkhel ang a, Lallianzuala Chhangte-in a club hlui a hmachhawn dawn. Pathianni zan dar 7:30-ah Kerala Blasters leh Goa-a an inkhel bawk ang.