Rashford leh Maddison tan hmun a awm
Football khelh ṭanna ram nia inchhal ṭhin England chuan World Cup khel tur player 26 hming an tar chhuak. Premier League neitu an ni bawk a, an thawm pawh a na lehpek hle. Tun hnaia an koh tam loh Marcus Rashford leh James Maddison te hming a lang.
Gareth Southgate-a'n a koh tur chiangsa an awm nual a, midang nen buk an nih hnuah Newcastle striker Callum Wilson leh Arsenal defender Ben White te pawhin hmun an chang a, khel phak tur chuan vanneih tel an la mamawhin a rinawm.
Manchester City defender Kyle Walker chu hliam vangin tun hnaiah inkhel tam lo mah se koh a ni a, damkawr Kalvin Phillips leh Manchester United tana dinhmun pawimawh hloh mektu Harry Maguire pawh a tel.
Koh theih zinga mi, mahse hmun chang lo zingah AC Milan centre-back Fikayo Tomori, Brentford striker Ivan Toney, West Ham forward Jarrod Bowen, AS Roma striker Tammy Abraham leh Man United forward Jadon Sancho te hming a lang ve lo.
Three Lions manager Southgate chuan, "Hmun khat lai ṭhat vak ringawt a tawk lo, team inkaihrual tak kan neih a ngai, chumi tur chuan kan player neih ho pawh kan zir chiang uluk hle. Khelh dan phung kan nei, chutih rualin tih danglam a ngaih chang pawha khel thei tho tur an pawimawh," tiin a sawi.
England Squad:
Goalkeepers: Jordan Pickford (Everton), Nick Pope (Newcastle), Aaron Ramsdale (Arsenal)
Defenders: Harry Maguire (Manchester United), Luke Shaw (Manchester United), Eric Dier (Tottenham), John Stones (Manchester City), Kyle Walker (Manchester City), Kieran Trippier (Newcastle), Conor Coady (Everton), Ben White (Arsenal), Trent Alexander-Arnold (Liverpool)
Midfielders: Jude Bellingham (Borussia Dortmund), Mason Mount (Chelsea), Conor Gallagher (Chelsea), Declan Rice (West Ham), Jordan Henderson (Liverpool), Kalvin Phillips (Manchester City)
Forwards: James Maddison (Leicester), Phil Foden (Manchester City), Jack Grealish (Manchester City), Harry Kane (Tottenham), Bukayo Saka (Arsenal), Raheem Sterling (Chelsea), Callum Wilson (Newcastle), Marcus Rashford (Manchester United)