Mane-a'n World Cup a khel thei dawn

Senegal tan chanchin lawmawm hriat tur a awm. Nimin khan World Cup khel tur squad an puang a, Sadio Mane a tel. Bayern Munich forward Mane hi Thawhlehni khan Werder Bremen an hneh ṭumin inhliam vangin lakchhuah a ni a, Qatar zin thei lo dinhmunah ding hman mah se squad-a an telh avangin a khel thei tura ngaih a ni.

German champion Bayern chuan kartawpa Schalke an hmachhawn hunah a khelh theih loh tur thu an tichiang tawh a, World Cup match hmasa lamah pawh inlan thei lo dinhmunah a ding.

Senegal coach Alioy Cisse chuan, "A dinhmun hrechiang turin doctor pawh kan tir. Ningani khan Sadio hian Munich-ah a hun pum a hmang a, Austria-ah a dinhmun ennawn leh a ni ang. Thu lawmawm lai chu zai ngai a dawn lo," tiin a sawi.

Kum 30 mi Mane inhliamna lai hi a nghal ruh te zawk (fibula) a ni a, player naran chu ni se squad-ah a tel kher lo ang. Amaherawhchu, Liverpool forward hi Senegal player pawimawh a ni a, Africa Cup of Nation an champion-na leh World Cup khel tura an inpetlinnaah a ṭangkai hle.

Senegal Squad
Goalkeepers : Edouard Mendy, Alfred Gomis, Seny Dieng
Defenders : Kalidou Koulibaly, Abdou Diallo, Youssouf Sabaly, Fode Bollo Toure, Pape Abou Ciss, Ismail Jakobs, Formose Mendy
Midfielders : Gana Gueye, Cheikhou Kouyate, Nampalys Mendy, Krepin Diatta, Papa Gueye, Papa Matar Sarr, Pathe Ciss, Moustapha Name, Loum Ndiaye
Forwards: Sadio Mane, Ismaila Sarr, Boulaye Dia, Bamba Dieng, Famara Diedhiou, Nicolas Jackson, Iliman Ndiaye